நிர்வாகப் பிரிவு

இறக்குமதிகள் மற்றும் ஏற்றுமதிகளின் கட்டுப்பாட்டாளரே இத்திணைக்களத்தின் பிரதான நிறைவேற்று அலுவலராவார். இவரின் கீழே ஒரு பிரதிக் கட்டுப்பாட்டாளரும் உதவிக் கட்டுப்பாட்டாளரும் இருக்கின்றனர்.

திணைக்களத்தின் பொதுநிர்வாகம் தொடர்புபட்ட விடயங்களில் பிரதிக் கட்டுப்பாட்டாளர், இறக்குமதி மற்றும் ஏற்றுமதிகளின் கட்டுப்பாட்டாளருக்கு நேரடியாக பொறுப்புடையவராக இருக்கின்றார்.

கொள்கைப் பிரிவு

இறக்குமதி மற்றும் ஏற்றுமதி வியாபாரத்திற்குப் பொறுப்பாகவுள்ள மதிப்பிற்குரிய அமைச்சர், காலத்துக்குக்காலம், அரசாங்கத்தினால் எடுக்கப்பட்ட கொள்கைத் தீர்மானங்களின்மீது இறக்குமதிகள் மற்றும் ஏற்றுமதிகள் வியாபாரத்துடன் தொடர்பாக ஒழுங்குவிதிகளை ஆக்குவார். இத்தகைய ஒழுங்குவிதிகளை வெளியிடுதல் மற்றும் நடைமுறைப்படுத்தல் என்பன கொள்கை வகுப்பாளரினால் மேற்கொள்ளப்படும் விடயங்களாகக் காணப்படுகின்றன. இந்த வகுப்பாளர் நேரடியாக இறக்குமதிகள் மற்றும் ஏற்றுமதிகள் கட்டுப்பாட்டாளரின்கீழ் செயற்படுகின்றார்.

கணக்கிடும் பிரிவு

திணைக்களத்தின் கணக்கிடும் முறை தொடர்பில் பிரதிக் கட்டுப்பாட்டாளர் (நிதி) நேரடியாக இறக்குமதிகள் மற்றும் ஏற்றுமதிகள் கட்டுப்பாட்டாளருக்கு பொறுப்புடையவராவார்.

கணக்கியல் பிரிவின் பிரதான தொழிற்பாடாக வரிப்பணம் சேகரித்தல், கணக்கிடல் மற்றும் சேகரிக்கப்பட்ட வரிப்பணத்தை அரச திறைசேரிக்கு வரவு வைத்தலுமாகும்.

இறக்குமதி, ஏற்றுமதி கட்டுப்பாட்டு உரிமத்தின் தேவைப்பாட்டுக்கமைவான பொருட்களுக்கான உரிமத்தை வழங்குதலே உரிம அலகுகளின் பிரதான பணியாகும். அத்துடன் இந்த உரிமத்தின் மீது பொருட்களைப் பெற்றுக்கொண்ட பின்னர் உரிமத்தைப் பற்று வைப்பதும் உரிம அலகினால் மேற்கொள்ளப்படும மற்றுமொரு முக்கியமான பணியாக இருக்கின்றது.

அலகு 01 -> மருந்து
அலகு 02 -> வாகனம்
அலகு 03 -> இரசாயனம்
அலகு 04 -> தொலைத்தொடர்பு சாதனங்கள் மற்றும் நானாவித               பொருட்கள்
அலகு 05 -> ஏற்றுமதி

தற்போது, உரிமங்களை வழங்குவதற்கான ஒரு வலையமைப்பானது உருவாக்கப்பட்டுள்ளது. உற்பத்தித்திறன் மேம்பாட்டிற்கு வசதியளிக்கின்ற வகையில் முறைமையொன்றை உருவாக்கி விருத்தி செய்தலே, தகவல் தொழினுட்ப பணியாட்டொகுதியின் பிரதான பணியாகும்.